झापा । 

झापाको हल्दीबारी गाउँपालिकाका उपाध्यक्ष डम्बर गिरीले पदबाट राजीनामा दिएका छन् । बिहीबार(आज) उनले गाउँपालिका अध्यक्ष रबिन्द्र लिङ्देन समक्ष पदबाट लिखित रुपमा राजीनामा दिएका  हुन् ।

गिरी २०७४ सालको स्थानीय तहको निर्वाचनबाट नेकपा एमालेको तर्फबाट निर्वाचित गाउँपालिकाका उपाध्यक्ष थिए । आफुले गाउँपालिकाको उपाध्यक्ष पदमा  रहँदा नेपालको संविधान स्थानीय सरकार सञ्चालन ऐन तथा अन्य संघीय÷प्रादेशिक कानुन तथा स्थानीय कानुनले सुम्पेको काम, कर्तब्य अधिकार जिम्मेवारी रुपमा बहन गरेको राजिना पत्रमा उल्लेख गरेका छन् । 

आगामी बैशाख ३० गते हुने स्थानीय तहको निर्वाचनका लागि आफु संलग्न राजनैतिक पार्टीको कार्यमा खटिनु पर्ने राजिनामामा उल्लेख समेत गरेका छन् । गिरीले आफु उपाध्यक्ष पदमा रहि रहँदा गाउँपालिकामा पुर्याउनु पर्ने सेवा प्रवाहमा प्रतिकुल असर पर्ने भन्दै राजिनामा दिएको बताएका छन् । 

उनले राजिनामा पत्रमा भनेका छन् । नेकपा एमालेको स्पष्ट बहुमत रहँदा गाउँपालिका क्षेत्रभित्र भए गरेका सम्पूर्ण विकास निर्माण र सेवा प्रवाहको सम्वन्धमा गाउँपालिकाको अध्यक्ष नेतृत्वमा पुर्याएको सहगोगका लागि ब्यक्तिगत रुपमा धन्यवाद दिन चाहन्छु ।’ गिरीलाई पार्टीले अध्यक्ष पदको टिकट दिने पक्का भएपछि राजिनामा दिएको स्रोतले बताएको छ ।