बिर्तामोड । 

नेपाल कम्युनिष्ट पार्टी (माओवादी केन्द्र) को युवा संगठन बिर्तामोड वडा नं. १० को योङ कम्युनिष्ट लिग (वाइसिएल) १९ सदस्यीय गठन भएको छ । सोही कार्यक्रमका विच अन्य पार्टी परित्याग गरी नवराज विष्टसहित ४ जनाले पार्टी प्रवेश गरेका छन् । 

वडा सहसचिव अनुप गुरुङको अध्यक्षतामा भएको कार्यक्रममा पार्टीका प्रदेश नं. १ सदस्य कुवेर श्रेष्ठ (अरुण) को प्रमुख आतिथ्य रहेको थियो ।

कार्यक्रममा पार्टीका नगर अध्यक्ष मोहन सुब्बा, सचिव गणेश कालिकोटे, वाइसिएल नगर अध्यक्ष सुदिप खवास, वडा नं. १० का अध्यक्ष हेमराज रावतलगायतले शुभकामना मन्तव्य राखेका थिए । कार्यक्रममा प्रमुख अतिथि तथा अतिथिहरुले आसन्न स्थानीय तहको निर्वाचन केन्द्रीत रहेर आ–आफ्नो भनाई प्रस्तुत गरेका थिए । 

स्वागत सुजन देवानले गरेको कार्यक्रमको सञ्चालन नरेन तामाङले गरेका थिए ।