बिर्तामोड । 

नेपाल कम्युनिष्ट पार्टी ( माओवादी केन्द्र ) बिर्तामोड वडा नं. ४ ले  २७ औँ महान जनयुद्ध दिवसको अवसरमा दीप प्रज्वलन कार्यक्रम गरेको छ । 

पार्टीको लालीगुराँस कन्चनजंघाटोलसहित तीनवटा टोलले छुट्टाछुट्टै स्थानमा जनयुद्धको नारासहित २७ वटा दीप प्रज्वलन गरेर जनयुद्ध दिवस मनाएको पार्टीका झापा सचिवालय सदस्य बासु दुलालले जानकारी दिए । 

वडा नं. ४ ले गरेको दीप प्रज्वलन कार्यक्रममा पार्टीका वडा नं.४ अध्यक्ष गोपी अधिकारी, उपाध्यक्ष धनसिंह राजवंशी, सचिव राकेशकुमार सिंहको नेतृत्वमा वडा कमिटीका पदाधिकारीसहित कार्यकर्ताको सहभागीता रहेको थियो । पार्टीका झापा सचिवालय सदस्य बासु दुलालको प्रमुख आतिथ्यमा दीप प्रज्वलन कार्यक्रम भएको जनाइएको छ ।   

पार्टीले झापाका नगर, क्षेत्र र वडामा शनिवार दीप प्रज्वलनसहित विविध कार्यक्रम गर्दै जनयुद्ध दिवस मनाएको छ । बिर्तामोड नगर कमिटीले पनि दीप प्रज्वलनसहित विविध कार्यक्रम गरेर जनयुद्ध दिवस मनाउँदै गरेको पार्टीका युवा नेता सिपी कडरियाले जानकारी दिए ।