चन्द्रगढी ।

झापाको भद्रपुर नगरपालिकाको सभा हलमा सोमबार कवि गोष्ठी सम्पन्न भएको छ । भद्रपुर नगर कला, साहित्य तथा संगीत प्रतिष्ठानको दोस्रो वार्षिक उत्सवका अवसरमा उक्त कवि गोष्ठी सम्पन्न भएको छ ।

भद्रपुर नगरपालिकाका उपप्रमुख राधा कार्कीको प्रमुख आतिथ्यमा सम्पन्न कार्यक्रममा कवि राजेश ढुंगाना, देवीचरण भन्डारी, राजु बराल, राजेन्द्र कश्यप अधिकारी, हरि न्यौपाने, निर्मला दङ्गाल, महेन्द्र कोइरालालगायतले कविता वाचन गरेका थिए। सोही कार्यक्रममा गायक निरज पोखरेल र पबित्रा ओलीले गायन प्रस्तुत गरेका थिए । 

भद्रपुर नगर कला, साहित्य तथा संगीत प्रतिष्ठानका कार्यवाहक अध्यक्ष फणिन्द्र पोखरेलको अध्यक्षतामा सम्पन्न कार्यक्रममा प्रमुख अतिथि उप–प्रमुख राधा कार्की, प्रशासन प्रमुख सुनिल निरौला र साहित्यकार चूडामणि वशिष्ठले शुभकामना मन्तब्य राखेका थिए । 

प्रतिष्ठानका सचिव डिल्लीरमण नेपालको सन्चालन  र  महेन्द्र कोइरालाले स्वागत गरेको कवि गोष्ठीपछि भद्रपुर नगरपालिकाको प्रवेश द्वारमा दीप प्रज्वलन गरिएको थियो ।