बिर्तामोड । 

नेकपा (माओबारी केन्द्र) बिर्तामोड नगर कमिटीको दोस्रो अधिवेशनले नयाँ नेतृत्व चयन गरेको छ । पार्टीको  बिर्तामोड नगर कमिटीको अध्यक्षमा पुनः सर्वसम्मत मोहन सुब्वा निर्वाचित भएका छन् । सुब्वाको नेतृत्वमा ५५ सदस्यीय नगर कमिटी चयन भएको निर्वाचन समितिका संयोजक भवानीप्रसाद दंगालले जानकारी दिए । 

पार्टीको जिल्ला कार्यालय बिर्तामोडमा आज (सोमवार) भएको अधिवेशनलले उपाध्यक्षमा रन्जन धमला, हाइकुमार राई प्रकाश र सुशिला पाण्डे सर्वसम्मत चयन भएका छन् । यसैगरी सचिवमा जगन्नाथ भट्टराई, सह–सचिवमा भगवती मेचे र कोषाध्यक्षमा प्रज्वल कडरियालगायत ४१ सदस्यीय अधिवेशनले सर्वसम्मत निर्वाचित गरेको छ । अन्य सदस्य कमिटीको बैंठकले महिला, दलित, जनजातीलगायत मनोनित गर्नेछ ।  

नयाँ नेतृत्व चयन अघि भएको उद्घाटन कार्यक्रममा  नेकपा (माओबारी केन्द्र) बिर्तामोड नगर अध्यक्ष मोहन सुब्बाको अध्यक्षतामा रहेको  थियो । कार्यक्रममा पार्टीका केन्द्रिय सदस्य तथा कोशी प्रदेश सह–इन्चार्ज अजम्बर काम्वाङ राईको प्रमुख आतिथ्य तथा केन्द्रिय सदस्य तथा कोशी प्रदेश सह–इन्चार्ज धर्मशीला चापागाईको बिशेष आतिथ्य  रहेको थियो । 

स्वागत बिर्तामोड नगर उपाध्यक्ष कमलप्रसाद कडरियाले गरेको कार्यक्रममा प्रमुख अतिथि काम्वाङ, बिशेष अतिथि चापागाई प्रदेश सदस्य कुवेर श्रेष्ठ (अरुण) र झापा संयोजक राजु आचार्य (अग्नि) ले शुभकामना मन्तव्य राखेका थिए । कार्यक्रमको सञ्चालन नगर सचिव गणेश कालिकोटेले गरेका थिए ।