सुरुङ्गा । 

नेकपा (एकीकृत समाजवादी) निकट अनेरास्ववियू कनकाईले झापाको कनकाई बहुमुखी क्याम्पसमा स्ववियु चुनावका लागि मनोनयन दर्ता गरेको छ । आगामी चैत ५ गते हुने स्ववियु निर्वाचनका लागि आज (मंगलबार) उम्मेद्वारी मनोनयन दर्ता गराएको नेकपा (एकीकृत समाजवादी) का कनकाई नगर अध्यक्ष प्रतिक राजवंशीले जानकारी दिएका हुन् । 

सभापतिका लागि सन्थाल समुदायका सुनीराम मुर्मु, सचिव पदका लागि रोशन विश्वकर्मा र कोषाध्यक्ष पदका लागि रेजिना दियालीलगायतले उम्मेद्वारी मनोनयन दर्ता गराएका हुन् ।  मीरा प्रधानको अध्यक्षता रहेको अनेरास्ववियू कनकाई बहुमुखी क्याम्पस कमिटीले एकल उम्मेद्वारी दिएको छ । 

प्रत्यक्ष तर्फ ११ र समानुपातिक तर्फ आठ गरी जम्मा १९ जनाको प्यानलमा अन्य कुनै दलसँग गठवन्धन नगरी अनेरास्ववियूले एकल उमेद्वारी दिएको बताइएको छ । 

सुनिरामको इमान्दारीता र कुशल नेतृत्व देखेर विद्यार्थीहरुको उनलाई सभापतिमा उठ्न प्रेरित गरेको छन् । उनले सभापतिका लागि उम्मेद्वार बन्ने योजना नबनाएपनि सबै संकायका विद्यार्थीहरुले उनलाई उठ्न प्रेरित हुन् । 

प्रत्येक वर्ष हुने शैक्षिक भ्रमणमा सधैँ विवाद, किचलो हुने गरेको मंसिरमा भएको शैक्षिक भ्रमणमा उनको इमान्दारिता, स्वच्छ र निष्पक्ष हविका कारण विद्यार्थीहरुले उनलाई कनकाई बहुमुखी क्याम्पस भ्रमण व्यवस्थापन समिति २०८१ को अध्यक्ष बनाएका थिए ।  उनको नेतृत्वमा भ्रमण गर्दा कुनै किसिमको झैझगडा वा विवाद नभई सबै स्नातक चौथो वर्षका बिए, बिएड र बिबिएस एवम् मास्टर्स चौथो सेमेष्टरका सबै विद्यार्थीहरूले सबै मिलेर यादगार भ्रमण गर्न पाएका थिए ।