अर्जुनधारा।

नेपाली कांग्रेस अर्जुनधारा वडा ४ को किसान संघको अधिवेशन सम्पन्न भएको छ । शनिबार अर्जुनधारा, भाङबारीमा सम्पन्न अधिवेशनले वडा कार्य समिति, नगर प्रतिनिधि र प्रदेश प्रतिनिधिको चयन गरेको हो।

अधिवेशनले वडा समितिको सभापतिमा लीलाबहादुर कटुवाल, उपसभापति  सोमनाथ  गिरी, सचिव धन बहादुर कार्की, कोषाध्यक्ष  प्रेम कुमारी रिजाल, सह सचिव कमला रिमाल , सदस्यहरुमा कमल भट्टराई, तारा  घिमिरे लाई चयन गरेको छ ।

यसैगरी नगर प्रतिनिधिमा उमानाथ हुमागाईं, भीमलाल गिरी, रुद्र रिमाल, लक्ष्मी गिरी र उमानाथ भट्टराई  चयन भएका छन्। क्षेत्रिय प्रतिनिधिमा मदन थापा,रमन बस्नेत, टीकाप्रसाद शिवाकोटी, जीवनकला राउत, दुर्गा भट्टराई  र इन्द्रबहादुर आङ्देम्बेलाई चयन गरेको वडा सचिव उद्धप कुंवरले जानकारी दिए ।

नेपाली कांग्रेस झापाका सचिव कृष्ण हुमागाईंको प्रमुख आतिथ्य र वडाका लागि जिल्ला प्रतिनिधि शेखर सुवेदीको विशेष आतिथ्यमा सम्पन्न अधिवेशनमा अध्यक्षता वडा सभापति खेम काफ्लेको रहेको थियो । 

प्रमुख अतिथी हुमागाईंले कांग्रेसलाई बलियो बनाउन टोल र वडाबाटै हरेक भातृ र शुभेच्छुक संस्थाहरुको जग मजबुत हुन आवश्यक भएकोले  नेतृत्व सक्रिय र संस्थाप्रति उत्तरदायी हुनुपर्ने धारणा राखे ।

उनले  बधाई तथा शुभकामना दिँदै गठित समितिले स्थानीय कृषक र कृषिका समस्या अनि आवश्यकताको पहिचान गरी समाधानको सक्रिय पहल गर्नुपर्ने बताए ।वडा सचिव उद्धप कुँवरले सहजीकरण गरेको कार्यक्रममा स्थानीय कृषकहरुको उल्लेख्य उपस्थिति रहेको थियो ।