हल्दीबारी । 

झापाको हल्दीबारी गाउँपालिकाका प्रमुख प्रशासकीय अधिकृत मानबहादुर बन (महेन्द) का मातापिताका नाममा स्थापना गरेको अक्षयकोषबाट गरिव, जेहेन्दार मध्ये मुटुरोगी र स्वासप्रश्वास भएका वालवालिकालाई छात्रवृत्ति प्रदान गरिएको छ । 

बनका मातापिता नाममा समर्पित अक्षयकोषवाट स्थापित स्वर्गिय जगत वहादुर र नरमाया वन छात्रवृत्तिबाट सोमबार पुरस्कार बितरण गरिएको हो ।

हल्दीबारी माध्यमिक बिद्यालयको ५२ औं बार्षिकोत्सवका अवसरमा आयोजित कार्यक्रमका अवसरमा गरिव, जेहेन्दार मध्ये मुटुरोगी र स्वासप्रश्वास भएका चार जना बिद्यार्थीलाई छात्रवृत्ति प्रदान गरिएको छ । 

प्रमुख प्रशासकीय अधिकृत महेन्दसहित बन परिवारले स्थापना गरेका आफ्ना मातापिताको नामको अक्षयकोषबाट छात्रवृत्ति प्रदान गरिएको हो । हाल एकलाख एक हजार एक सय ११ रुपैयाँको स्व. बन दम्पत्तीको नाममा स्थापित अक्षयकोषलाई आगामी दिनमा बृद्धि गरिदै लगिने प्रमुख प्रशासकीय अधिकृत महेन्द्रले जानकारी दिए ।