अर्जुनधारा । 

शिक्षा युवा तथा खेलकुद शाखा अर्जुनधारा नगरपालिकाको आयोजनामा हाजिरी जवाफ प्रतियोगिता कार्यक्रम सम्पन्न गरेको छ । प्रतियोगितामा नगरका सामुदायिक २८ ओटा बिद्यालय अन्तर्गतका आधारभूत तह कक्षा १–५ बाट ३/३ जना विद्यार्थीहरुको सहभागीता रहेको थियो । 

 प्रतियोगितामा १२ अंकलाई प्रथम स्थान प्राप्त श्री आधारभूत बिद्यालय कन्चनबारीलाई नगद ९हजारसहित प्रमाणपत्र, ९ अक ल्याइ दोस्रो स्थान सरस्वती आधारभूत बिद्यालयलाई नगद ७ हजार ५ सय र प्रमाणपत्र प्रदान गरिएको थियो । यसैगरी ८ अंक प्राप्त गरी तेस्रो स्थान नवदुर्गा आधारभूत बिद्यालयलाई नगद छ हजार र प्रमाणपत्र र ७ अक ल्याइ  भिमले आधारभूत बिद्यालयले सान्त्वना नगद  तीन हजार प्रमाणपत्र प्रदान गरिएको थियो । 

 सहभागी बिद्यालयका  विद्यार्थीहरुलाई आफुलाइ आवश्यक शिक्षा क्षेत्रमा खर्च गर्न र बिजेता र सम्पूर्ण सहभागी बिद्यालयलाई शुभकामना व्यक्त गर्दै शिक्षा युवा तथा खेलकुद शाखा अर्जुनधारा नगरपालिकाका प्रमुख उप–सचिव तोयानाथ रेग्मीले नगदसहित प्रमाणपत्र हस्तान्तरण गरेका थिए । 

प्रतियोगितामा पहिलो राउण्डमा १५ वटा छोटो प्रश्नहरुबाट १० बिद्यालय रहेका थिए । जसमा शनिश्चरे माबि, भानु माबि, जनता माबि, कालिस्थान माबि, श्री आ बि कन्चनबारी, भिमले आबि, नवदुर्गा आबि, श्री आबि बारघरे, सरस्वती आबि, नवज्योति आबि दोस्रो राउण्डमा छानिएका थिए । 

श्री आधारभूत बिद्यालय कन्चनबारीमा सञ्चालित कार्यक्रमको अध्यक्षता शाखा प्रमुख तोयानाथ रेग्मी रहेका थिए भने कार्यक्रमको सहजीकरण हाजिर जवाफ प्रतियोगिता समितिका ससंयोजक भानु माबिका प्रधानाध्यापक रुपक दाहालले गरेका थिए ।