बिर्तामोड । 

लिंकन मन्टेश्वरी स्कुलले शुभ–दीपावलीको अवसरमा शुभकामना आदान–प्रदान कार्यक्रम गरेको छ । झापाको बिर्तामोड–३ मा सञ्चालनमा रहेको सुविधा सम्पन्न मन्टेश्वरी स्कुलले आज (मंगलबार) बिद्यालयल परिसरमा नानीबाबुहरुसँग दीपावलीको शुभकामना साटासाट गरेको हो । 

तिहार सम्बन्धी नानीबाबुहरुलाई जानकारी गराउने उदेश्यले स्कुलले शुभकामना आदान–प्रदान कार्यक्रम आयोजना गरेको स्कुलका सञ्चालक सरोज पौडेलले जानकारी दिए । 

स्कुलमा अध्ययनरत नानीबाबुहरुलाई तिहारमा खेलिने देउसीभैलो, सेल रोटी, भाइटिकासहित तिहारमा गरिने सांस्कृतिक परम्पराका बिषयमा जानकारी गराइएको सञ्चालक पौडेलले बताए । शुभकामना आदान–प्रदान कार्यक्रममा नानीबाबुहरुलाई सप्तक संगीत बिद्यालयका प्रशिक्षक सरोज वत्ससहितको चार जनाको टोलीले गिटार, मादल, तवला, हर्मोनियमका माध्यमबाट संगीतमय देउसीभैलोसमेत खेलाइएको थियो । 

 बिद्यालय ब्यवस्थापन समितिका अध्यक्ष दिनेश ओझाको अध्यक्षतामा कार्यक्रम सम्पन्न भएको थियो । उक्त स्कुलले प्रत्येक चाडवाडको नानीबाबुहरुलाई जानकारी दिन यसअघि पनि बिभिन्न कार्यक्रम गर्दै आएको छ । नेपाली महिलाहरुको महान पर्व हरितालिका तीज, बडादशैं जस्ता चाडवाडमा पनि कार्यक्रम गर्दै आएको छ ।