झापा ।  

झापाको कचनकवल गाउँपालिका वडा नम्बर ४ स्थित सुनकोशी चिया बगानबाट लागूऔषधसहित एक जना महिला पक्राउ परेकी छिन् । 

लागुऔषध कारोबार भइरहेको भन्ने बिशेष सुचनाको आधारमा इलाका प्रहरी कार्यालय केचनाबाट खटिएको प्रहरी टोलीले मंगलबार कचनकवल–४ की ३६ बर्षिया अलिशा शेखलाई पक्राउ गरेको हो । 

शेखलाई शंका लागेर चेकजाँच गर्दा उनको साथबाट प्रतिबन्धित लागुऔषध ब्राउनसुगर प्लाष्टिकमा पोका पारी बोकेको २ पोका जम्मा ४० ग्राम ८४० मिलिग्राम फेला परेको प्रहरीले जनाएको छ । 

ब्राउन सुगरसहित उनलाई नियन्त्रणमा लिएर जिल्ला प्रहरी कार्यालय झापाले थप अनुसन्धान गरिरहेको प्रहरीले जानकारी दिएको छ ।