झापा । 

झापाको मेचीनगर नगरपालिका वडा नम्बर ६ स्थित पुरानो मेचीपुलबाट खैरो हिरोइनसहित एक जना पक्राउ परेका छन् । लागूऔषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाबाट खटिएको प्रहरी टोलीले सोमबार राती ९ बजेको समयमा अटो टेम्पोसहित एक जनालाई पक्राउ गरेको हो । 

भारतको पानीट्याङ्कीबाट नेपालतर्फ आउँदै गरेको प्रदेश नं.१–०१–००२ ह ७९७ नम्बरको अटो टेम्पुलाई रोकेर टेम्पु चालक ताप्लेजुङ मैवाखोला गाउँपालिका ४ घर भई हाल इलामको माइनगरपालिका–४  दानाबारी बस्ने ३१ बर्षिय उमेश शेर्पालाई खैरो हिरोइनसहित प्रहरीले पक्राउ गरेको छ । 

शेर्पालाई शंका लागेर चेक जाँच गर्दा  खैरो हेरोइन फेला परेकाले मान्यता प्राप्त तराजुमा तौल गर्दा प्लाष्टिकसहित ५ ग्राम १९० मिलिग्राम रहेको प्रहरीले जनाएको छ । 

लागूऔषध र अटोसहित उनलाई नियन्त्रणमा लिएर सो सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।