बिर्तामोड । 

झापाको बिर्तामोड नगरपालिका वडा नम्बर ४  आदर्श बैँकेट अगाडी उत्तर दक्षीण सडक खण्डबाट आगूऔषधसहित एक जनालाई प्रहरीले पक्राउ गरेको छ । प्रहरीले शनिवार (आज) ब्राउन सुगरसहित बिर्तामोड ४ का २५ बर्षिय बिकु राजबंशीलाई पक्राउ गरेको हो । 

 इलाका प्रहरी कार्यालय अनारमनीबाट खटिएको टोलीले शंका लागेर राजबंशीको शरिर खानतलासी गर्दा उनले लगाएको पेन्टको दाहिने गोजिबाट सिखर चुरोटको खोल भित्र ब्राउन सुगर फोला परेको थियो । उनको साथबाट सेतो प्लास्टिकको स–साना ९ पोका परेपछि उनलाई नियन्त्रण लिएको हो । 

पोकालाई तत्काल मुष्ठ राखेर तौल गर्दा प्लास्टिक सहितको तौल २ ग्राम २५० मिलिग्राम फेला पारी बरामद गरेको छ । राजवंशीलाई नियन्त्रणमा लिएर ईलाका प्रहरी कार्यालय अनारमनीमा ल्याएर राखेर थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।