झापा । 

झापाको दमकमा गएराती भएको सवारी दुर्घटनामा दुई जना घाइत भएका छन् । दमक–१ भाङबारीस्थित सडक खण्डमा गएराती ९ः३० बजेको समयमा भएको मोटरसाइकल दुर्घटनामा चालक कमल–६का २५ बर्षिय शंकर श्रेष्ठ र पछाडी सवार दमक–२का ३२ बर्षिय सुजन बुढाथोकी घाइते भएका हुन् । 

बेलडाँगीबाट दमकतर्फ आउँदै गरेको प्र.१–०१–०१६ प २५६१ नं. को मोटरसाइकल आँफै अनियन्त्रित भएर दुर्घटना भएको थियो । 

श्रेष्ठको अनुहार र दुवै हातमा चोट लागेको छ भने बुढाथोकीको अनुहार र बायाँ कानमा चोट लागेको बताइएको छ । दुवै घाइतेलाई उपचारको लागि लाईफ लाईन अस्पताल दमकमा ल्याएर उपचार भइरहेको र अवस्था दुवैको बोल्न सक्ने सामान्य रहेको जिल्ला प्रहरी कार्यालय झापाले जनाएको छ । 

मोटरसाइकल इलाका प्रहरी कार्यालय दमकतर्फ ल्याउने कार्य भइरहेको प्रहरीले जनाएको छ ।