झापा । 

झापा गाउँपालिकाबाट ब्राउन सुगरसहित एक जनालाई प्रहरीले पक्राउ गरेको छ । पक्राउ पर्नेमा झापा–१ का १७ बर्षिय शिवकुमार मुर्मु रहेका छन् । शनिवार मुर्मु सोहि स्थानमा हिडिरहेको अवस्थामा नियन्त्रणमा लिएर प्रहरीले सोधपुछ गरेको थियो ।

सोधपुछका क्रममा मुर्मुले लसुना स्थित मकैबारीमा लागूऔषध लुकाई छिपाई राखेको भनेको आधारमा प्रहरी टोलीले उनलाई नियन्त्रणमा लिएको थियो । उक्त  स्थानमा प्रहरीले खोज तलास  गर्दा प्लाष्टिक बाहेक १९ ग्राम १७० मिलिग्राम बरामद गरी उनलाई पक्राउ गरिएको हो । 

पक्राउ गरिएका उनलाई इलाका प्रहरी कार्यालय कुमारखोदमा ल्याएर थप अनुसन्धान भइरहेको जिल्ला प्रहरी कार्यालय झापाले जनाएको छ । 

शुक्रवार झापा–१ लसुनामा जिल्ला प्रहरी कार्यालय झापा र इलाका प्रहरी कार्यालय कुमारखोदको सयुक्त प्रहरी टोलीले शंका लागेर नम्बर नभएको निलो कलरको टिभिएस मोटरसाईकललाई चेकजाँच गरेको थियो ।

चेकजाँच गर्ने क्रममा मोटरसाईकल चालक शिवकुमार मुर्मुले मोटरसाईकल छाडेर भागेपछि उक्त मोटरसाइकल नियन्त्रणमा लिएर इलाका प्रहरी कार्यालय कुमारखोदमा ल्याएर राखिएको थियो ।