झापा । 

झापाको अर्जुनधारा नगरपालिका वडा नम्बर १ स्थित मदनपुरमा जंगली हात्तीको समुहले एउटा घरमा क्षति पुर्याएको छ । गएराती गाउँ पसेको तीन वटा हात्तीको समुहले मदनपुरका बलबहादुर तामाङको बासको टाटीले बेरेको जस्ताको छानो भएको एक तले घरमा पूर्ण रुपमा क्षति पुर्याएको हो । 

बिहीवार राती १ः४५ बजेको  समयमा गाउँ पसरेको जंगली हात्तीको समुहले तामाङको घर भत्काएर घर भित्र रहेको धान, चामल खाएर लत्ता कपडा, भाडा वर्तन तोडफोड गर्दा तीन लाख रुपैयाँ बराबरको क्षति भएको जिल्ला प्रहरी कार्यालय झापाले जनाएको छ ।

उक्त स्थानमा प्रहरी चौकी शनिश्चरेको प्रहरी टोली गएको र हात्ती जंगलतर्फ नै गएको जनाइएको छ ।