सुरुङ्गा । 

नेपाल पत्रकार महासंघ कोशी प्रदेश कार्यसमिति सदस्य लीलाराज झापाली पुरस्कृत भएका छन् । पत्रकार झापाली कनकाई माध्यमिक बिद्यालयबाट स्थापित उत्कृष्ट पत्रकारिता पुरस्कारबाट पुरस्कृत भएका हुन् । कनकाई माबिको ६६ औं बार्षित्सवका अवसरमा पत्रकार झापाली सम्मानीत भएका हुन् । 

लामो समयदेखि क्रियाशील पत्रकार झापालीलाई सोमवार (आज) बिद्यालयले पुरस्कृत गरेको हो । उनले शिक्षा क्षेत्रमा पुर्याएको योगदानको उच्च मूल्याङ्कन गर्दै बार्षित्सवका अवसरमा बिद्यालयले सम्मानसहित पुरस्कृत गरेको जनाइएको छ ।

प्रज्ञासभाका कुलपति भूपाल राईले पत्रकार झापालीलाई पुरस्कृत गरेका थिए । पुरस्कारको राशी ५ हजार एक सय रुपैयाँ रहेको छ ।