सुनसरी।

सुनसरीको धरान उपमहानगरपालिका–८ स्थित भोटेपुलमा हाईसको ठक्करबाट एक जना मोटरसाईकल चालकको मृत्यु भएको छ । मृत्यु हुनेमा सुनसरी धरान उपमहानगरपालिका–१५ बस्ने ४६ बर्षीय शम्भु दर्जी रहेका छन् ।

इटहरीबाट धरानतर्फ जाँदै गरेको ना १ ज ७१२१ नम्बरको हाईस गाडीले बाटो क्रस गर्दै गरेको को ६प ५६०३ नम्बरको मोटरसाईकल र को ३२ प ८६६१ नम्बरको स्कुटरलाई ठक्कर दिँदा गम्भिर घाईते भएका मोटर साईकल चालक दर्जीको उपचारको लागि घोपा धरानमा पुर्‍याउन साथ मृत्यु भएको थियो । 

स्कुटर चालक सोही स्थान ८ बस्ने ४४ बर्षीय सुरज गजमेर सामान्य घाइते भएका छन् । दुर्घटनामा संलग्न हाईस गाडी, चालक सप्तरी सुरुङ्गा ८ बस्ने २८ बर्षीय तेज नारायण सदा इलाका प्रहरी कार्यालय धरानको नियन्त्रणमा रहेको छ । घटना सम्बन्धना थप अनुसन्धान भइरहेको कोशी प्रदेश प्रहरी कार्यालय जनाएको छ ।