झापा । 

आज कोशी, बागमती, गण्डकी, कर्णाली र सुदूरपश्चिम प्रदेशका पहाडी भूभागका एक–दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ। 

 ती प्रदेशका उच्च पहाडी तथा हिमाली भूभागका थोरै स्थानमा हल्का हिमपातको समेत सम्भावना रहेको महाशाखाले जनाएको छ।

नेपालमा पश्चिमी वायुको आंशिक प्रभाव रहेको छ। बुधबार बिहान देशको पहाडी भूभागमा आंशिक बदलीको अवस्था छ भने तराईमा हुस्सु र कुहिरो लागेको जनाइएको छ।