झापा । 

झापाको मेचीनगर नगरपालिका वडा नम्बर ६ स्थित पुरानो मेचीपुलबाट प्रतिबन्धित लागू औषधसहित एक जनालाई प्रहरीले मंगलबार पक्राउ गरेको छ । 

लागूऔषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाको संयुक्त प्रहरी टोलीले भारतबाट नेपालतर्फ पैदल आउँदै गरेका दमक–८ का ३५ बर्षिय  नविन वस्नेतलाई नियन्त्रण गरेको हो । 

वस्नेतलाई शंका लागेर चेकजाँच गर्दा उनले लगाएको ज्याकेटको गोजीभित्र प्रतिबन्धित लागूऔषध खैरो हेरोइन २ ग्राम ५०० मिलिग्राम फेला परेकोले पक्राउ गरिएको प्रहरीले जनाएको छ । 

नियन्त्रणमा लिइएका उनलाई इलाका प्रहरी कार्यालय काँकरभिट्टामा राखेर थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।