झापा । 

झापाको कचनाकवल गाउँपालिका वडा नम्बर ३ मा जंगली हात्तीले क्षति पुर्याएको छ । गएराती कचनकवल–३ स्थित दल्कीमा जंगलबाट आएका २/३ वटा जंगली हात्तीको समुहले स्थानीयको घरमा क्षति पुराउँदा २ लाख ४ हजार रुपैयाँ बराबरको क्षति भएको जिल्ला प्रहरी कार्यालय झापाले जनाएको हो । 

सोही स्थानका बिसु गुरुङको घर भत्काएर क्षति गरेको जनाइएको छ । जंगली हात्तीले क्षति गरेको खवर प्रहरी चौकी पथरियामा जानकारी प्राप्त हुना साथ  तत्काल प्रहरी चौकी पथरियाको टोली घटना स्थलमा आज मंगलबार बिहान पुगेको थियो । 

हात्तिको समुहले  गुरुङको टिनको छाना तथा टिनकै घेरा बेरा भएको घर फाडेर  घर भित्र रहेको धान २८ मन ४२ हजार, २ मन तोरी १२ हजार र घर पूर्ण रुपमा क्षति हुँदा १ लाख ५० हजार जम्मा २ लाख ४ हजार मूल्य बराबरको क्षति भएको प्रहरीले जनाएको छ । 

उक्त क्षतिपछि हात्तीको समुह जंगलतर्फ गएको प्रहरीले जनाएको छ ।