झापा । 

झापाको शिवसताक्षी नगरपालिका वडा नम्बर १० माइधारस्थित कनकाई खोलाको किनारमा एक महिला मृत फेला परेकी छिन् । 

तत्काल नामथर वतन नखुलेको हेर्दा मागेर खाई हिड्ने जस्तो देखिने अन्दाजी ४५/५० बर्षकी पहाडी मुलको महिला मृत अवस्थामा फेला परेकी जिल्ला प्रहरी कार्यालय झापाले जनाएको हो । 

महिला कनकाई खोलाको बगरमा मृत अवस्था रहेको खबर प्राप्त हुन साथ अस्थाई प्रहरी चौकी माइधारको टोली गएर घटनास्थल सुरक्षित राखेको प्रहरीले जनाएको छ । 

थप अनुसन्धान तथा कानुनी प्रकृयाको लागि इलाका प्रहरी कार्यालय झिलझिलेबाट प्रहरीको टोली गएको ४ः०५ बजेको कानुनी प्रकृया पुरा गरी लाश पोष्ट मार्टमका लागि प्रादेशिक अस्पताल भद्रपुर पठाएको प्रहरीले जनाएको छ ।