झापा । 

झापाको मेचीनगर नगरपालिका वडा नम्बर ८ स्थित सुन्दर टोल आगलागी हुँदा २ लाख ३० हजार रुपैयाँ बराबरको क्षति भएको छ । मेचीनगर–८ सुन्दर टोलको केशवप्रसाद तिम्सिनाको टिनको छानो भएको गाई गोठमा  खोले पकाउने क्रममा अचानक आगो सल्कन गई आगलागी भएको हो । 

आगलागी भएको भन्ने खबर इलाका प्रहरी कार्यालय नकलबन्दामा प्राप्त हुना प्रहरीको टोली घटना स्थल पुगेको थियो । प्रहरी, स्थानियबासी र मेचीनगर नगरपालिकाको दमकलको सहयोगमा अन्दाजी १ बजे भएको आगलागी १ः३० मा पूर्ण रुपमा नियन्त्रणमा आएको जिल्ला प्रहरी कार्यालय झापाले जनाएको छ । 

आगलागीबाट गाई गोठमा बाँधेको  एउटा वहरको मृत्यु भएको, एउटा बहर, दुई वटा गाई आगोले जलेर घाईते भएको, गोठमा रहेको काठपात र गोठ आंशिक रुपमा क्षति हुँदा २ लाख ३० हजार रुपैयाँ वरावरको क्षेति भएको प्रहरीले जनाएको छ ।