झापा ।

वीरगञ्जबाट पोखरा गइरहेको यात्रु बाहक बस तनहुँमा दुर्घना हुँदा ३२ जना यात्रु घाइते भएका छन् ।  वाग्मती प्रदेश ०३–००१ ख १२०६ नम्बरको बस म्याग्दे गाउँपालिका–६ मौरीबजारमा दुर्घटनामा बिहीबार (आज) बिहान करिब ५ बजे दुर्घटना भएको हो । 

दुर्घटनमा परी ३२ जना घाइते भएका जिल्ला प्रहरी कार्यालय तनहुँले जनाएको छ । घाइतेहरुमध्ये २९ जनाको तनहुँको बेलचौतारामा उपचार भइरहेको छ ।

गम्भीर घाइते ३ जनालाई थप उपचारका लागि पोखरा पठाइएको प्रहरीले जनाएको छ । घटनाबारे अनुसन्धान भइरहेको प्रहरीले जनाएको छ ।