बिर्तामोड । 

प्रतिदिन दैनिकका सम्पादक इन्द्रसिंह राजवंशी सम्मानित भएका छन् । मोहनमाया माध्यमिक विद्यालय बिर्तामोड–२ को ५६ औं वार्षिकोत्सवको अवसरमा सम्पादक राजवंशी सम्मानीत भएका हुन् । 

राष्ट्रियसभा सदस्य गोपालकुमार बस्नेत र बिर्तामोड नगरपालिका नगर प्रमुख पवित्रा महतरा प्रसाईले राजवंशीलाई शुक्रबार (आज) दोसल्ला र सम्मानपत्रले सम्मान गरेका हुन् । 

विद्यालय व्यवस्थापन समितिका देविका निरौला बस्नेतको अध्यक्षतामा भएको समारोहमा विद्यालयको शैक्षिक गुणस्तर अभिवृद्धिमा सञ्चार क्षेत्रको माध्यमबाट पुर्याएको योगदानको कदर गर्दै पत्रकार राजबंशीलाई सम्मान गरिएको हो । सोही कार्यक्रममा दाताहरु लिला–निला राउत र मनमाया खत्रीलाई पनि समेत सम्मान गरिएको थियो ।