ताप्लेजुङ । 

ताप्लेजुङको पाथिभरा याङवरक गाउँपालिका–१ त्रिवेणी बनबाट भरुवा बन्दुकसहित दुई जनालाई प्रहरीले पक्राउ गरेएको छ । पक्राउ पर्नेमा स्थानीय २४ बर्षीय मौसम खिमदिम र समिर खिमदिम रहेका छन् ।

बिशेष सुचनाको आधारमा मंगलवार प्रहरी चौकी मेवाखाबाट खटिएको प्रहरी टोलीले उनिहरुलाई उक्त बनबाट भरुवा बन्दुक २ नाल, भरुवा बन्दुकमा प्रयोग हुने विभिन्न सामाग्रीहरु, खुकुरी १ थान, गेटिस (गुलेली) १ थान, मारेको कालिज १ वटा र मोबाइल १ थानसहित पक्राउ गरेको हो ।

पक्राउ परेका उनिहरुको जिल्ला प्रहरी कार्यालय ताप्लेजुङबाट थप अनुसन्धान भईरहेको प्रहरीले जनाएको छ ।