झापा । 

झापाको गौरीगञ्ज गाउँपालिका वडा नम्बर ३ हुक्कागाछीमा हेभी ट्रकमा अचानक तार सर्ट भएर आगलागी भएको छ । मंगलबार ण्आज) बिहान अन्दाजी १०ः२० बजेको समयमा उक्त ट्रकमा आगलागी भएको थियो । 

सोही स्थानका बासुदेव ताजपुरीयाको काटामा धान लोड गर्दे गरेको अवस्थामा रविन खरीद बिक्रि कम्पनीको  मे १ क ८००१ न.को ट्रकमा अचानक आगलागी भएको जिल्ला प्रहरी कार्यालय झापाले जनाएको छ । 

ट्रकमा आगलागी भएको इलाका प्रहरी कार्यालय गौरीगञ्जमा खबर प्राप्त भएपछि प्रहरी टोली पुगेको थियो । आगलागीबाट ट्रकको अगाडीको भागको इन्जिनमा सामान्य क्षति हुँदा चार लाख रुपैयाँ बराबरको क्षति भएको जनाइएको छ । 

प्रहरी र स्थानियको सहयोगमा १०ः५० बजे आगो पूर्ण रुपमा नियन्त्रणमा आएको जनाइएको छ । उक्त आगलागीबाट मानविय तथा चौपाय क्षति नभएको बताइएको छ ।