झापा । 

झापाको हल्दिवारी गाउँपालिका वडा नम्बर २ स्थित पाराखोपीका एक ब्यक्ति जंगली आत्तीको आक्रमणबाट मृत अवस्थामा भेटिएका छन् । 

हल्दिबारी–२ पोराखोपीका ६० बर्षिय पाथल राजवंशी बुधवार (आज) बिहान अन्दाजी ४ः३० बजे मनिङ वाक गएको समयमा घरदेखि २०० मिटर पूर्व चन्द्रगढी–हल्दिबारी सडक खण्डको छेउको झाडीमा जंगली हात्तीको आक्रमणवाट मृत अवस्थामा भेटिएको जिल्ला प्रहरी कार्यालय झापाले जनाएको छ । 

मृत भेटिएका राजवंशी हल्दिवारी–२ को कार्यालयमा कार्यरत कार्यालय सहयोगीका रुपमा काम गर्दै आएको बताइएको छ । झाडीमा जंगली हात्तीको आक्रमणवाट मृत अवस्थामा १२ वजे सोही स्थानका  देवकुमार ढुङ्गानाको घरमा डेरा गरि वस्ने गनिता राजवंशीले देखेकी र प्रहरी चौकी  हल्दिवारीमा जानकारी गराएकी थिइन् । 

जानकारी पाउन साथ तत्काल प्रहरी चौकी हल्दिवारीको टोली गएर घटना स्थल  स्थल सुरक्षित राखेको, कानुनी प्रकृया एवं थप अनुसन्धनाको लागि जिल्ला प्रहरी कार्यालय झापावाट प्रहरीको को टोली गएको जनाइएको छ ।