झापा । 

झापा गाउँपालिका वडा नम्बर २ सुगा बथानमा थ्रेसरमा बेरिएर एक जनाको मृत्यु भएको छ । थ्रेसरमा बेरिएर झापाको झापा गाउँपालिकास्थित सुगा बथानका ५७ बर्षिय नुनुवा टुडुको बुधवार बिहान ७ः३० बजेको समय मृत्यु भएको हो । 

 आफ्नै खेतमा प ्र१–०१–००१ त ८०९२ नम्बरको ट्याक्टरमा जोडेको थ्रेसर मेशिनमा धान थ्रेसर लगाउने क्रममा अचानक थ्रेसरमा बेरिएर उनको मृत्यु भएको जिल्ला प्रहरी कार्यालय झापाले जनाएको छ । 

मृत्युको खबर प्राप्त हुन साथ इलाका प्रहरी कार्यालय कुमरखोदको टोलीले घटनास्थल सुरक्षित राखेको, लास तत्काल घटनास्थलमा नै रहेको, घटनास्थल अनुसन्धान तथा कानुनी प्रकृयाको लागि जिल्ला प्रशासन कार्यालय झापाको टोली गएको बताइएको छ ।