मेचीनगर । 

झापाको मेचीनगर – ७ को आराध्य बचत तथा ऋण सहकारी संस्थाले सहकारी पत्रकारिता पुरस्कार पत्रकार डम्बर बराललाई प्रदान गरेको छ । सहकारीको शनिवार (आज) सम्पन्न आठौं वार्षिक साधारण सभाको अवसरमा पत्रकार बराललाई ५ हजार नगदसहित सम्मानपत्रद्धारा सम्मान गरेको हो ।

साधारण सभामा सहकारीले उत्कृष्ट बचत कर्ता, उत्कृष्ट ऋणीलाई समेत सम्मान गरेका छ । यसरी सम्मानित हुनेहरुमा उत्कृष्ट बचत कर्ता तर्फ कमला कुमारी राजवंशी र उत्कृष्ट ऋणी तर्फ गीता राजवंशी हेका छन् । 

सहकारी संस्थाका अध्यक्ष गीता राजबंशीको सभापतित्व तथा मेचीनगर – ७ का वडाध्यक्ष प्रह्लादमणी ओलीको प्रमुख आतिथ्य रहेको थियो ।  संस्थाका सचिव कमल ढुंगेलले स्वागत गरेको कार्यक्रमको सञ्चालन लेखा संयोजक नारायण दंगालले गरेका थिए ।