बिर्तामोड । 

धार्मिक तथा पर्यटन प्रवर्धन गर्ने उदेश्यले झापाको बिर्तामोड–४ स्थित लालीगुँरास टोलको नवदुर्गा किर्तन मण्डलीले तीर्थ दर्शन यात्रा २०८० गर्ने भएको छ । 

किर्तन मण्डलीले भोली शुक्रवार बिर्तामोडदेखि सप्तरीस्थित राजबिराजको छिन्नमस्ता मन्दिरको एकदिने तीर्थ दर्शन गर्ने तीर्थ दर्शन यात्रा संयोजक गोपी अधिकारीले जानकारी दिए । 

कार्यक्रममा किर्तन मण्डलीका सल्लाहकार बासु दुलाल, अध्यक्ष श्यामलाल अधिकारी, सचिव पुष्प बिमलीलगायत ५० जनाको टोलीले छिन्नमस्ता मन्दिरको एकदिने तीर्थ दर्शन यात्रा गर्ने संयोजक अधिकारीले बताएका छन् । उक्त तीर्थ दर्शन यात्राका लागि  ५० हजार रुपैयाँ अनुमानित खर्च हुने जनाइएको छ ।