बिर्तामोड ।
झापाको बाह्रदशी गाउँपालिका वडा नम्बर १ स्थित बागमतामा एउटा जंगली हात्ती मृत फेला परेको छ ।

गएराती साँझ ८ बजेको समयमा बागमतामा जंगली भाले हात्तीे मृत फेला परेको खबर प्राप्त हुन साथ इलाका प्रहरी कार्यालय राजगढको प्रहरी टोली घटना स्थल पुगेको थियो ।

सोही स्थानका नगेन्द्र राईको बारीको सुठुनि खाएर तोरी बारीमा मृत अवस्थामा रहेको जिल्ला प्रहरी कार्यालय झापाले जनाएको छ । उक्त मृतक हात्ती बाहिरी चोट पटक नलागेको जनाइएको छ ।

उक्त स्थलमा बन कर्मचारी आएर मृतक हात्ती हात्ती र घटना स्थलको अनुसन्धान र कानुनी प्रक्रिया भइरहेको प्रहरीले जनाएको छ । घटना स्थल इप्रका राजगढदेखि  ७ मिलोमिटर दक्षिण रहेको जनाइएको छ ।