उदयपुर ।

उदयपुरको बेलका नगरपालिका–४ बाट दुई नाल भरुवा बन्दुकसहित एक जना महिलालाई प्रहरीले पक्राउ गरेको छ । पक्राउ पर्नेमा स्थानीय ४७ बर्षिया दुर्गा बिश्वकर्मा रहेकी छिन् ।

अवैध रुपमा भरुवा बन्दुक लुकाई छिपाई राखेको भन्ने बिशेष सुचना प्राप्त हुना साथ तत्काल ईलाका प्रहरी कार्यालय रामपुर ठोक्सिलाबाट शनिवार साँझ खटिएको प्रहरी टोलीले  बिश्वकर्माको घर खानतासी गर्दा २ थान भरुवा बन्दुक बरामद गरेको थियो ।

बन्दुक बरामद भएसँगै बिश्वकर्मालाई समेत पक्राउ गरिएको र घटना सबन्धमा थप अनुसन्धान भईरहेको उक्त कार्यालयले जनाएको प्रदेश प्रहरीले जानकारी दिएको छ ।