झापा। 

मोरङमा भएको सवारी दुर्घटनामा घाइते भएका झापाको दमकका एक ब्यक्तिको मृत्यु भएको छ । मोरङ पथरीशनिश्चरे नगरपालिका– १० मा दुर्घटना भएर घाइते भएका दमक–५ का ३५ वर्षीय सानेकुमार राईको मृत्युु भएको हो ।

आइतवार साँझ ६ः३० बजेको समयमा पश्चिमबाट पूर्व आउँदै गरेको मे ९ प ७१८० नम्बरको स्कुटरले सडक किनारामा रोकेर राखेको प्र १–०४–००१ त ०३३९ नम्बरको ट्रयाक्टरलाई ठक्कर दिँदा स्कुटर चालक राई घाइते भएका थिए ।

स्थानीय र प्रहरीले घाइते राईलाई उपचारको लागि मदन भण्डारी ट्रमा सेन्टर उर्लाबारी पठाएका थिए । उपचारको क्रममा साँझ ७ः१० बजेको समयमा चिकित्सकले राईलाई मृत घोषणा गरेको इलाका प्रहरी कार्यालय पथरीले जनाएको छ ।