बिर्तामोड । 

झापाको बिर्तामोडबाट दुई जना बालिका वेपत्ता भएका छन् । बिर्तामोड–५ लालीगुराँस टोलका दुई बालिका बुधवार (आज) दिउँसो १२ बजेदेखि बेपता भएको इलाका प्रहरी कार्यालय बिर्तामोडले जनाएको छ ।

७ वर्षीया हिमानी निरौला र ५ वर्षीया अबजना पौडेल एक साथ हराएका हुन् । सम्पर्कविहीन बालिकाको खोजीका लागि परिवारजनले अपिल गरेका छन् ।

आफन्तको घरमा समेत गएको नभेटिएकाले प्रहरीले पनि सार्वजनिक सूचनामार्फत उनीहरुको खोजीमा सघाउन आग्रह गरेको छ । दिउँसो ४ बजे परिवारजनले बालिका हराएको सूचना प्रहरीलाई दिएका थिए ।