झापा । 

झापाको मेचीनगर नगरपालिका वडा नम्बर ११ को एक घरमा जंगली हात्तीले क्षति पुर्याएको छ । मेचीनगर–११ का विशाल साहि दाहालको टिनको छानो भएको १ तले अर्धपक्कि घरको पूर्व साईडको वाल भत्काएर घर भित्रको २०० केजी चामल खाएको जिल्ला प्रहरी कार्यालय झापाले जनाएको छ । 

सोमवार राति अन्दाजी ११ः४५ बजेको समयमा आएको जंगली हात्तीले उक्त घरमा ९० हजार रुपैयाँ बराबरको क्षति पुर्याएको प्रहरीले जनाएको हो । घरमा रहेको ४०० केजी चामल मध्ये २०० केजी हात्तीले खाएको छ । 

अन्य मानविय क्षति नभएको मंगलबार (आज) अन्दाजी ९ः०० बजे प्रहरी चौकी चारआलीमा जानकारी प्राप्त भएपछि तत्काल प्रहरी टोली पुगेर घटनाको बिषयमा थप वुझ्ने कार्य  भईरहेको प्रहरीले जनाएको छ ।  उक्त स्थान प्रहरी चौकी चारआलीबाट अन्दाजी ५ किलोमिटर पूर्व उत्तर रहेको जनाइएको छ ।