दमक । 

झापाको कमल गाउँपालिका वडा नम्बर ३ स्थित शहिदगेट नजिकै भैँसीसँग मोटरसाइकल ठोक्किँदा एक जनाको मृत्यु भएको छ भने एकजना घाइते भएका छन् ।

शहिदगेट नजिक को २१प ७७ नम्बरको मोटरसाइकल बुधबार भैँसीसँग मोटरसाइकल ठोक्किएको थियो ।  दुर्घटनामा मोटरसाइकल चालक मोरङको सुन्दरहरैचा नगरपालिका–४ का ३१ वर्षीय मदनबहादुर लायमगरको मृत्यु भएको छ । तीव्रगतिको मोटरसाइकल अनियन्त्रित भएर भैँसीसँग ठोक्किन पुगेको थियो ।

दुर्घटनामा परी मोटरसाइकलमा सवार सुनसरीको इटहरी–४ का ३० वर्षीय अभिषेक चौधरी घाइते भएको जिल्ला प्रहरी कार्यालय झापाले जनाएको छ । घाइत चौधरीको  बिर्तामोडस्थित बीएण्डसी अस्पतालमा उपचार भइरहेको जनाइएको छ ।