झापा।

झापाको कनकाई नगरपालिका वडा नम्बर ९ मन्त्रिबारीस्थित भित्रि सडकमा भएको सवारी दुर्घटनामा एक जनाको मृत्यु भएको छ ।

सोमबार राति साढे ११ बजे उत्तरबाट दक्षिणतर्फ जाँदै गरेको प्र २–०३–०१५ प ४०७८ नम्बरको मोटरसाईकल आफै अनियन्त्रित भएर दुर्घटना हुँदा मोटरसाईकल चालक स्थानीय ४० बर्षिय संजय साह गम्भिर घाइते भएका थिए । 

घाइते साहलाई उपचारको लागि बिर्तासिटि अस्पताल बिर्तामोड लगिएकोमा अस्पताल पुर्याउनसाथ डाक्टरले मृत घोषित गरेका थिए । घटना बारे थप अनुसन्धान भइरहेको जिल्ला प्रहरी कार्यालय झापाले जनाएको छ ।