उदयपुर । 

उदयपुर जिल्लाको त्रियुगा नगरपालिका–१० गैरुन कालीखोलाबाट प्रतिबन्धित लागू औषधसहित दुई जना भारतिय नागरीकलाई प्रहरीले प्रक्राउ गरेको छ ।

पक्राउ पर्नेहरुमा भारत बिहार सुपौलका २७ बर्षिय जसबिन कुमार मण्डल र बिरपुर थाना–१२ का २७ बर्षिय सन्तोषकुमार महतो रहेका छन् ।

 बिशेष सुचनाको आधारमा जिल्ला प्रहरी कार्यालय उदयपुरबाट मंगलवार राती खटिएको प्रहरी टोलीले कालीखोलाको नजिकै रोकेर राखेको BR 11PB 1355 नम्बरको स्कारपियो गाडीलाई चेकजाँच गर्दा उक्त गाडीको गियर बक्स भित्र कालो प्लाष्टिकको झोलामा लुकाई छिपाई राखेको अवस्थामा २७ ग्राम लागुऔषध ब्राउनसुगर र नगद १ लाख ५४ हजार फेलापारी बरामद गरी स्कारपियोसहित उनीहरुलाई नियन्त्रणमा लिइएको थियो ।

पक्राउ परेका उनिहरुको जिल्ला प्रहरी कार्यालय उदयपुरबाट थप अनुसन्धान भईरहेको कोशी प्रदेश प्रहरी कार्यालयले जनाएको छ ।