पाल्पा  ।

पाल्पाको रानीमहल दरबारनजिक जिप दुर्घटना हुँदा छ जनाको मृत्यु भएको छ । बागमती प्रदेश ७२०९ नम्बरको जिप दुर्घटना हुँदा  ६ जनाको मृत्यु भएको हो ।

जिप चालक घाइते छन् । पर्यटकीयस्थल रानीघाट दरबार नजिकै बैकुण्ठे भीरबाट खोलामा जिप खस्दा ६ जनाको घटनास्थलमै ज्यान गएको जिल्ला प्रहरी कार्यालय पाल्पाले जनाएको छ । दुर्घटनामा ज्यान गुमाउनेमध्ये तीन महिला, दुई बालक र एक पुरुष रहेका छन् । जिप चालक गम्भीर घाइते भएको र उनको घर नवलपुर रहेको प्रहरीको भनाइ छ ।

घटनास्थलमा अस्थाई प्रहरी चौकी रानीघाट  र जिल्लाबाट गएको जनपथ प्रहरी, शसस्त्र र नेपाली सेनाको टोली खटिएको छ । सडकबाट घटनास्थल पुग्न ठूलो भिर र पहाड भएकाले पनि कठिनाइ भइरहेको जिल्ला प्रहरी कार्यालय पाल्पाले जनाएको छ । घटनाको विस्तृत विवरण आउन बाँकी रहेको प्रहरीको भनाइ छ ।