बिर्तामोड । 

इजरायलमा भएको आक्रमणमा परी निधन भएका नेपाललीहरुप्रति श्रद्धाञ्जली अर्पण गर्दै झापाको बिर्तामोडमा दीप प्रज्वलन गरिएको छ । बिर्तामोड नगरपालिका वाड नं ४ रमाउत टोल विकास संस्थाले दीप प्रज्वलन गर्दै श्रद्धाञ्जली अर्पण गरेको हो ।

प्यालेस्टाइनी कट्टरपन्थी समूह हमासले गत शनिबार गरेको आक्रमणमा १० जना नेपालीको मृत्यु भएको थियो । दीप प्रज्वलनमा उपस्थितहरुले मृतक विद्यार्थीहरुप्रति  श्रद्धाञ्जली अर्पण गर्दै मृतकका परिवारजनप्रति समवेदना प्रकट गरेका छन् । साथै हमासको कब्जामा रहेका नेपालीहरुको यथाशीघ्र रिहाइको जोडदार माग समेत गरिएको छ । 

 इजरायलमा रहेका बाँकी नेपाली नागरिकलाई तत्काल उद्धार गरी नेपाल सरकारले ल्याइसकेकोले नेपाल सरकारलाई धन्यवाद समेत दिइएको संस्थाका सचिव दिनेशबाबु खड्काले बताए ।