झापा । 

झापाबाट प्रतिबन्धित लागू औषधसहित चार जनालाई प्रहरीले पक्राउ गरेको छ । पक्राउ पर्नेमा भद्रपुर ३ का १९ बर्षि निसान लिम्बु,  र उनका साथी भद्रपुर– ८ का २४ बर्षिय रिवज रनपहेली, दमक–१ का २१ बर्षि रुस्बिन लिम्बु भनिने बिबेक फियाक लिम्बु र उनकै साथी दमक–२ का निश्चल भन्ने बिक्रम लिम्बु छन् । 

भद्रपुर–३ स्थित मेची झोलुङ्गे पुलमा प्रहरी चौकी मेचीपारी र सशस्त्र प्रहरी बलको संयुक्त टोलीले भारतबाट नेपालतर्फ साईकलमा आउँदै गरेका निसान रिवजलाई रोकेर चेकजाँच गर्दा उनीहरुले नशालु पदार्थ सेबन गरेको जस्तो देखिएकोले सोमबार साईकल समेत राखेर उनीहरुलाई छोडिएको थियो । 

मंगलबार दमकका रुस्बिन साइकल बुझ्न आएकोले शंका लागेर उक्त साइकललाई चेकजाँच गर्दा साईकलको सिटमुनी सिट स्टेण्ड फलाम भित्र लुकाई छिपाई राखेको प्रतिबन्धित लागूऔषध ब्राउन सुगर १४ ग्राम १५० मिलिग्राम फेला परेपछि प्रहरीले थप अनुसन्धान शुरु गरेको थियो । 

अनुसन्धानका क्रममा उनीहरुको साथी बिक्रम लिम्बु समेत संलग्न रहेको बताएकोले खोजतलास गर्ने क्रममा भद्रपुर–५ स्थित बजारमा फेला पारेर चारै जनालाई नै नियन्त्रणमा लिएर जिल्ला प्रहरी कार्यालय झापामा राखेर थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।