हल्दिबारी । 

राष्ट्रिय प्रजातन्त्र पार्टी(राप्रपा) हल्दिबारी  गाउँपालिका वडा नम्बर १ को अध्यक्षमा प्रकाशकुमार कार्की चयन भएका छन् । शनिवार भएको हल्दिवारी–१ को अधिवेशनले कार्कीको अध्यक्षतामा १९ सदस्यीय नयाँ कार्य समिति चयन गरेको हो । 

समितिका उपाध्यक्षमा भक्तीप्रसाद न्यौपाने, नन्दराम गजमेर, हेमबहादुर लिङ्देन र दुर्गा दाहाल चयन भएका छन् भने सचिबमा केशव उप्रेती, कोषाध्यक्ष दुर्गा पुरी र  सह–सचिबमा कमल न्यौपाने चयन भएका छन् । 

त्यसैगरी सदस्यमा  दुर्गाप्रसाद चौहान, कबिता थेवे, गोविन्द विशाङ्खे, तारादेबि आले मगर, राजेन्द्र खालिङ्ग, सबिता दर्जी, लोक बहादुर गुरुङ, रामबहादुर लिङ्देन, संजय राई, गोमा कार्की र गजेन्द्र लक्सम चयन भएका छन् । 

राप्रपा वडा नं १ का अध्यक्ष प्रकाशकुमार कार्की अध्यक्षतामा भएको कार्यक्रममा  राप्रपा झापा अध्यक्ष केशवप्रसाद ओझा प्रमुख आतिथ्य रहेका थियो ।

कार्यक्रममा जिल्ला सदस्य, क्षेत्रीय सदस्य, प्रदेश ख अध्यक्ष, सदस्य र हल्दिबारी गाउँपालिका कार्यसमिति अध्यक्षलगायत राप्रपाका बिभिन्न तह र तप्काका नेता, कार्यकर्ता तथा शुभचिन्तकहरुको बाक्लो उपस्थिति रहेको जनाइएको छ ।