मुगु । 

मुगुको सदरमुकाम गमगढी बजारमा गएराति आगलागी हुँदा आठ घर जलेर नष्ट भएका छन् । गमगढी बजारस्थित कालिका मन्दिरदेखि उत्तरतिर रहेको बजारमा आगलागी हुँदा छ घरमा क्षति भएको जिल्ला प्रहरी कार्यालय मुगुले जनाएको छ ।  

नेपाली सेना ,नेपाल प्रहरी, सशस्त्र प्रहरीबल, नगर प्रहरी र स्थानीयवासीले आगलागी नियन्त्रणमा लिएको जनाइएको छ ।  शुक्रबार राति काठले बनेको एकघरबाट आगो सल्किएको थियो । आगलागीबाट तार्के लामा, सोनाम लामा, जङ ऐडी, सान्तोना खत्री, पञ्च सेजुवाल, पिआर मल्ल , प्रदीप रावल र पुतली शाहीको घर जलेर नष्ट भएको प्रहरीले जनाएको छ । 

 कुनै मानवीय क्षति नभए पनि  ठूलो आर्थिक क्षति भएको अनुमान गरिएको गरिएको छ । क्षतिको पूर्ण विवरण भने आइनसकेको प्रहरीले जनाएको छ ।