बिर्तामोड ।

 झापाको भद्रपुर नगरपालिका वडा नम्बर ९ बाट हराएकी बालिका मृत फेला परेकी छन् । घरदेखि केही तल पानीमा डुबेको अवस्थामा बालिका मृत फेला परेकी जिल्ला प्रहरी कार्यालय झापाले जनाएको छ । 

सोमनाथ सिग्देलकी तीन बर्षीया छोरी निर्जला आज दिउँसोदेखि हराइरहेकी थिइन् । बालिकालाई भारतीय नागरिकले अपहरण गरिएको आशंका गरिएको थियो ‌।

उनको शव घरदेखि ५०० मिटर दक्षिणतर्फको पक्की नालामा डुबेको अवस्थामा फेला परेको हो । घर नजिकै रहेको केदारेश्वर शिवालय मन्दिरमा आमाबुबाले छोरी निर्जलालाई सँगै भजन सुन्न लगेका थिए ।

मन्दिरभित्र आमाबुबा भजन सुनिरहेको बेला निर्जला बाहिर खेल्दै गर्दा सोमबार दिउँसो साढे १२ बजे एकाएक हराएकी थिइन ।