सुनसरी । 

सुनसरीको ईटहरी उप–महानगरपालिका १२ स्थित कोशी लोकमार्गमा मोटरसाईकलको ठक्करबाट साईकल यात्रीको मृत्यु भएको छ ।

शनिवार दिउँसो सवा २ बजे खनारबाट ईटहरीतर्फ जाँदै गरेको को २४ च ७३८९ नम्बरको मोटरसाईकलले बिपरित दिशाबाट आउँदै गरेको साईकल यात्रीलाई ठक्कर दिएर भएको दुर्घटनामा स्थानिय ५० बर्षीय नेत्र अधिकारी गम्भिर घाईते भएका थिए । 

घाईते भएका अधिकारीको उपचारको क्रममा कोशी अस्पताल विराटनगरमा मृत्यु भएको छ । ठक्कर दिने मोटरसाईकल र चालक सुनसरीको इटहरी–११ का २० बर्षीय रोहन चौधरीलाई जिल्ला प्रहरी कार्यालय सुनसरीले नियन्त्रणमा लिएको कोशी प्रदेश प्रहरी कार्यालयले जनाएको छ ।