बिराटनगर।

कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले बाणिज्य बैकहरुसँग सुरक्षा सम्बन्धी प्रदेशस्तरीय छलफल तथा अन्तरक्रिया गरेका छन् ।

कोशी प्रदेश प्रहरी कार्यालय बिराटनगरको सभाहलमा बिहीबार (आज) सम्पन्न भएको उक्त कार्यक्रममा नेपाल बैक, राष्ट्रिय बाणिज्य बैक, एनएमबि बैक, ग्लोबल आईएमई बैक लगायत बिराटनगर स्थित रहेका सम्पूर्ण बैकहरुका प्रदेश प्रमुख तथा प्रतिनिधीहरुको उपस्थिति रहेको थियो । 

 उक्त कार्यक्रममा उपस्थित  सुरक्षा सम्बन्धी बिभिन्न किसिमका जिज्ञासा तथा गुनासोहरु राखेका थिए । सहभागीहरुबाट उठेका जिज्ञासा तथा गुनासोहरुलाई सम्बोधन गर्दै प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले बैक तथा बित्तिय संस्थाहरुको सुरक्षामा नेपाल प्रहरी बिशेष रुपमा चनाखो रहेको र आगामी दिनहरुमा समेत थप सुरक्षाका रणनितीहरु अबलम्बन गरी बैकिङ क्षेत्रको सुरक्षामा पुर्ण प्रतिबद्ध रहेको बताए।

उक्त कर्यक्रममा प्रदेश प्रहरी कार्यालय बिराटनगरका सिनियर प्रहरी अधिकृतहरुको समेत उपस्थिति रहेको थियो ।