पाँचथर। 

पाँचथरको फिदिम नगरपालिका–२ ओदिनस्थित मेची राजमार्गमा मोटरसाईकल अनियन्त्रित भई  दुर्घटना हुदा एक जनाको मृत्यु भएको छ । 

ओदिनबाट सोमवार फिदिमतर्फ आउँदै गरेका  झापाको बिर्तामोड नगरपालिका–८ मेथिबारी घर भएका २४ बर्षिय  युबराज अधिकारीले चलाएको प्र.१–०३–००१ ब ००१९ नंबरको मोटरसाईकल अनियन्त्रित भई सडकबाट अंदाजी ५ मिटर तल झरेर दुर्घटना भएक थियो ।

दुर्घटनामा परेर गम्भिर घाईते भएका उनलाई जिल्ला प्रहरी कार्यालय पाचँथरको प्रहरीको टोलीले उद्दार गरी उपचारको लागि जिल्ला अस्पताल पाँचथर लगेकोमा उपचारको क्रममा मृत्यु भएको उक्त कार्यालयले जानकारी  दिएको कोशी प्रदेश प्रहरीले जनाएको छ ।