चारपाने । 

मोहनमाया माध्यमिक बिद्यालय परिसरमा निर्माण सम्पन्न १२ कोठे तीन तले भवन उद्घाटन भएको छ । झापाको बिर्तामोड नगरपालिका वडा नम्बर २ स्थित चारपानेमा बिएण्डसी अस्पतालका सञ्चालक दुर्गा प्रसाईले आफ्ना पिता कृष्णप्रसाद प्रसाईको स्मृतिमा निर्माण गरिदिएको भवनको बिहीवार (आज) उद्घाटन गरिएको हो । 

बिद्यालय ब्यवस्थापन समितिकी अध्यक्ष देबी निरौला बस्नेतको अध्यक्षतामा भएको कार्यक्रममा प्रमुख अतिथिसमेत रहेका दुर्गा प्रसाईले भवनको उद्घाटन गरेका हुन् । 

बिद्यालयका प्रध्यानाध्यापक शेरबहादुर श्रेष्ठले कार्यक्रमको आचित्यमाथि प्रकाश पारेको कार्यक्रममा प्रसाईलाई अभिनन्दन तथा बीएण्सी अस्पतालकी अध्यक्ष इन्दिरा गिरीलाई बिद्यालयले सम्मान गरेको थियो । 

स्वागत बिद्यालयकी शिक्षिका अनिता कार्की बस्नेतले गरेको कार्यक्रमको सञ्चालन शिक्षक मुकुन्द ढकालले गरेका थिए । सोही कार्यक्रमकाबिच बिद्यार्थीहरुले सांगितीक कार्यक्रमहरुसमेत प्रस्तुत गरेका थिए ।