हल्दिबारी । 

झापा हल्दिबारी गाउँपालिका वडा नम्बर ४ मा विद्यालय स्तरीय पाताञ्जल योग समिति गठन भएको छ । पाताञ्जल योग समिति हल्दिवारीका अध्यक्ष मिलन विश्वकर्माको अध्यक्षतामा गठन भएको कार्यक्रममा हल्दिबारी–४ का वडाध्यक्ष सन्तकुमार थापाको प्रमुख अतिथ्य रहेको थियो । 

महेन्द्र माध्यमिक बिद्यालय हल्दिबारी–४ वडाबारीमा भएको भेलालले भावना निरौलाको अध्यक्षतामा ९ सदस्यीय नवसमिति गठन गरेको छ । 

नव समितिलाई योग प्रतिको लगाव र जोसलाई मर्न नदिन प्रोत्साहन स्वरुप ४ थान पोशाक समेत वडाले हस्तान्तरण गरेको छ । उक्त पोशाकको सौजन्य वडा न ४ का वडाध्यक्ष, वडा सचिव तथा वडा सदस्यहरूले गरेका छन् ।